Na aula de 3 anos, a profe Mª Carmen leulle aos nenos e nenas o conto do patiño feo.
Logo, decidiron que ían facer eles o seu propio conto, e puxéronse mans á obra, e así, pintaron ó patiño feo de azul.
E despois de pintar ao cisne no que co tempo se transformou o patiño feo, fixeron unha portada para o seu conto, estampando moitos patiños amarelos e un patiño feo azul.
Mirade que bonito lle quedou o seu conto!
Os nenos e nenas de 4 anos decidiron decorar a portada de varios contos.
E así, puxéronse a facer puntiños de cores cos rotuladores...
Este foi o resultado...
E ademais, para recordar o capítulo do Quixote que leran, pintaron unha ficha na que aparecía o Don Quixote preparado para loitar contra un muíño de vento.
Na clase de 5 anos, a partir da lectura do conto As fabas máxicas, tamén fixeron o seu propio conto, así, escribiron, debuxaron e pintaron.
Que ben o fan, verdade?
Así de preciosos quedaron os seus contiños.
Despois de pasalo xenial, ó remate da xornada, todos os nenos e nenas levaron os seus traballiños para a casa.
No hay comentarios:
Publicar un comentario